Жұмсақ контейнерлер сертификатталған және ISO 21898:2004 халықаралық стандартына және БҰҰ-ның қауіпті жүктерді тасымалдауға қойылатын талаптарына толық сәйкес келеді. Бір ілмекті биг-бэгтер құрғақ құрылыс қоспаларын (цемент және т.б.), минералды тыңайтқыштарды (аммофос, аммиак селитрасы, карбамид), тау-кен өнеркәсібі өнімдерін (әртүрлі концентраттар, шлак, кендер), сондай-ақ металлургияда өндірілетін өнімдерді (феррохром, ферромарганец, ферросилиций, шлам және т.б.) қаптауда кеңінен қолданылады. Бір ілмекті биг-бэгтер өнімдерді қаптау, сақтау және тасымалдау барысында бірқатар артықшылықтарға ие: қаптау жылдамдығы, бірлік алаңға шаққандағы сақтау көлемі, тиеу/тасымалдау кезінде ақау алу ықтималдығының төмендігі, көлікке тиеу және түсіру үдерісінің жылдамдығы.
