Жұмсақ контейнерлер сертификатталған және ISO 21898:2004 халықаралық стандартына, сондайақ Біріккен Ұлттар Ұйымының қауіпті жүктерді тасымалдауға қойылатын талаптарына толық сәйкес келеді. Екі ілмекті биг-бэгтер құрғақ құрылыс қоспаларын (цемент және т.б.), газ өңдеу өнімдерін (гранулаланған күкірт), минералды тыңайтқыштарды (аммофос, аммиак селитрасы, карбамид), тау-кен өнеркәсібі өнімдерін (әртүрлі концентраттар, шлактар, кендер), сондай-ақ металлургия өндірісінің өнімдерін (феррохром, ферромарганец, ферросилиций, шлам және т.б.) қаптауда кеңінен қолданылады. Екі ілмекті биг-бэгтер өнімдерді қаптау, сақтау және тасымалдау барысында бірқатар артықшылықтарға ие: қаптау жылдамдығы; бірлік алаңға шаққандағы сақтау көлемі; тиеу немесе тасымалдау кезінде ақау пайда болу ықтималдығының төмендігі; көлікке тиеу және түсіру үдерісінің жоғары тиімділігі.
